Nepalda to‘xtovsiz yomg‘ir yog‘ishi natijasida yuz bergan suv toshqinlari va ko‘chkilarda halok bo‘lganlar soni 91 nafarga yetdi, deb xabar berdi Nepal ichki ishlar vazirligi.
Avvalroq 66 kishi halok bo‘lgani habar qilingandi.
Nepal ichki ishlar vazirligining The Kathmandu Post nashrida keltirilgan so‘nggi ma'lumotlariga ko‘ra, suv toshqinlari oqibatida 91 kishi halok bo‘lgan, 25 kishi jarohatlangan va 35 kishi bedarak yo‘qolgan. 3 mingga yaqin turar joy uylari butunlay vayron bo‘lgan, ijtimoiy qiymatga ega 3,8 mingta obekt jabr ko‘rgan.
Qutqarish-tiklash ishlarida 27 000 odam, jumladan huquqni muhofaza qilish idoralari xodimlari hamda harbiylar ishtirok etmoqda.
Kuchli yomg‘irlar 11 avgustda Nepalning bir qancha tumanlarida boshlangan edi. Meteorologlar haftaning dushanba-seshanba kunlaridan havo yaxshilanishini aytmoqdalar.
