Mumbayda bino qulashi oqibatida halok bo‘lganlar soni 32 kishiga yetdi

Mumbayda uch qavatli binoning qulab tushishi oqibatida halok bo‘lganlar soni 32 kishiga yetdi, deb xabar bermoqda ANI.

Ta'kidlanishicha, hozirgi paytga qadar vayronalar ostidan 47 kishini qutqarib olishning uddasidan chiqilgan.

Ayni damda qutqaruv amaliyoti davom etmoqda.

Bundan tashqari, Maxarashtra shtati bosh vaziri Devendra Fadnavis «vaziyatni shaxsan nazoratga olgani» haqida ma'lum qildi.

Avvalroq Mumbayda bino qulagani, qurbonlar ko‘p ekani xabar berilgandi.