Hetao Alpha ikki asosiy qismdan taşkil topgan. Şarqiy qanoti 37 qavatli, ğarbiy qanoti esa 44 qavatli. Ularni birlaştirib turgan markaziy özak binoning asosiy tayançi vazifasini bajaradi. Pastki qismida köp maqsadli jamoat bloki joylaşgan.
Qanotlarning qiya körinişi markaziy beton özakning ikki tomonidan taşqariga çiqarilgan konsol qismlar hisobiga hosil qilingan. Majmuadagi ofis xonalarining umumiy maydoni 70 410 kvadrat metrni taşkil etadi.
Binoning barqarorligini oşiriş uçun har 12 qavatda yirik panjarasimon tayanç konstruksiyalar - fermalar örnatilgan. Ular texnik xonalar va evakuatsiya hududlariga ajratilgan qavatlarda joylaştirilgan. Bu yeçim ofis qavatlarida oçiq va erkin rejalaştirilgan maydonlarni saqlab qoliş imkonini beradi.
Fasad töliq şişa bilan qoplangan. Ofis qavatlarining oçiq rejasi bilan birga bu xodimlarga şahar manzarasini deyarli tösiqsiz tomoşa qiliş imkonini yaratadi.
Qanotlarning tört burçagida ikki qavat balandligidagi egri şişa yuzalar işlatilgan. Ular muayyan panoramalarni yaxşiroq köriş uçun möljallangan. Ğarb tomondan Şençjen qöltiğining suv-botqoq hududlari, janubdan esa Gonkongdagi May Po tabiiy hududi körinadi.
Lift şaxtalari binoning markaziy qismida, şimoliy va janubiy fasadlar böylab joylaştirilgan. Ular ham töliq şişalangan. Şu bois yölovçilar yuqoriga kötariliş yoki pastga tuşiş vaqtida atrof manzarasini kuzatişi mumkin.
Binoda tabiiy şamollatişga ham alohida eʼtibor qaratilgan. Fasaddagi şişa qismlarga havo kirişi uçun maxsus tirqişlar qöşilgan, quyoşdan himoya qiluvçi jalyuzili panellar örnatilgan. Bu yeçimlar xonalarda havo aylanişini taʼminlaş va energiya sarfini kamaytirişga xizmat qiladi.
