Chechenistonda miting o‘tkazildi, Qodirov Myanmadagi gumanitar falokatni to‘xtatishga chaqirdi

Chechenistonda respublika rahbari Ramzon Qodirov Myanmadagi rohingya musulmonlarini qo‘llab-quvvatlashga bag‘ishlangan mitingda chiqish qilib, jahon hamjamiyatini mamlakatdagi gumanitar falokatni to‘xtatishga chaqirdi, deb xabar bermoqda RIA «Novosti».

«Bugun men va o‘nlab davlatlarning millionlab aholisi jahon yetakchilaridan bu qonli hodisalarni butkul to‘xtatishni talab qilmoqdamiz. Biz aybdorlarni jazolash hamda insoniyatga qarshi jinoyatni xalqaro tergov qilishni talab qilamiz. Shuningdek, biz chegaralarini yopib qo‘ygan va qochqinlarga yordamdan bosh tortgan mamlakatlarni javobgarlikka tortishni talab qilmoqdamiz. Ular o‘sha odamlarni o‘limga mahkum qilishdi. Gumanitar falokatni darhol to‘xtatish va halok bo‘layotgan rohingya xalqiga yordam qo‘lini cho‘zish lozim», - dedi u.

Qodirovning ishonch bildirishicha, uning chaqirig‘i butun dunyo bo‘ylab millionlab kishilar tomonidan eshitiladi.

Avvalroq Ramzon Qodirov Myanma bo‘yicha navbatdagi bayonot bilan chiqqandi.