«Admiral Group» kompaniyasi xodimlari paxta terimiga o‘z hissasini qo‘shdi

Hozirda yurtimizda 2017 yilgi paxta yig‘im-terimi mavsumi davom etmoqda. Mazkur jarayonga ayni damda fuqarolar yig‘inlari tomonidan jalb qilingan uyushmagan aholi, tumandagi xo‘jalik hisobidagi korxona, muassasa va tashkilotlar ishchi-xizmatchilari, «Fidoyi yoshlar otryadi» a'zolaridan iborat minglab hasharchilar dehqonlarga beminnat yordam berib kelmoqda.

Qo‘qon shahrida faoliyat olib boruvchi «Admiral Group» MChJ jamoasi ham dam olish kunlarida mehnatkashlarimizga hosil yig‘ishda ko‘maklashish uchun Dang‘ara tumanidagi «Baraka-1» FX paxta dalasiga terimga chiqdi.

Korxona  faollaridan birining so‘zlariga ko‘ra, paxta terimida kompaniyaning barcha a'zolari va rahbarlari birdek faol ishtirok etgan.

«Admiral Group» MChJ xodimlari paxta dalalarida birinchi marotaba ishtirok etishlariga qaramasdan bir kun davomida jami 1200 kg paxta terib barchani lol qoldirishdi. Dam olish kunlarida birdam bo‘lib, xirmonni yig‘ib olishga o‘z hissalarini qo‘shishgani uchun kompaniya xodimlaridan minnatdormiz», deydi "Baraka-1" FX rahbari. 

Bunday tadbirlar orqali yurtimizda faoliyat yuritayotgan kompaniyalar  dehqonlarimizga yaqindan yordam berish bilan bir qatorda o‘z xodimlari o‘rtasidagi do‘stona muhit va  hamjihatlikni yana mustahkamlashga muvaffaq bo‘lishadi.