Saudi Press Agency axborot agentligining ma'lum qilishicha, Saudiya Arabistoni ichki ishlar vazirligi Yamandagi husiy jangarilarning 40 yetakchisi haqidagi axborot uchun 400 mln dollar berishini e'lon qilgan. Mukofot puli husiylar yetakchilarining hibsga olinishi yoki ularning joylashgan o‘rni haqida axborot berganlarga to‘lanadi.
Bu chora husiylar tomondan Saudiya Arabistoniga qilinayotgan hujumlarga reaksiya bo‘lgan. Jumladan, 4 noyabrda Yaman hududidan Saudiya Arabistoni tomon ballistik raketa uchirilgan. Saudiya Arabistoni kuchlari raketani urib tushirishgan. Hujum uchun javobgarlikni husiylar o‘z zimmalariga olganlar.
