Husiylar yana Saudiya poytaxtiga zarba berdi, Yamanda esa önlab insonlar öldirildi

Hujum qirollikda hayot asta izga tuşa boşlagan kunga töğri keldi. Aynan 8-noyabr kuni köplab maktablar bir neça haftalik masofaviy taʼlimdan söng öquvçilarni qayta qabul qildi. Bir qator davlat idoralari ham husiylarning avvalgi hujumlari sabab töxtatilgan ofisdagi işga qaytgandi.

Yamandagi qonli sutka

New York Times'ning yozişiça, Ar-Riyoddagi hujumdan bir kun oldin Yamanda önlab odam öldirilgani xabar qilingandi. Xususan, 7-noyabr kuni Sano şarqidagi Bani Huşayş tumanida havo zarbalari bir qişloqdagi uylarga tuşdi. Husiylar nazoratidagi soğliqni saqlaş vazirligi zarbalarni Saudiya harbiy samolyotlari berganini, öldirilganlarning aksariyati ayollar va bolalar ekanini maʼlum qildi.

Keyinçalik qurbonlar soni oşdi. Dastlab 20 dan ortiq kişi öldirilgani aytilgan bölsa, 8-noyabr kuni vazirlik bu raqam kamida 40 nafarga yetganini bildirdi. Saudiya rasmiylari voqea yuzasidan tekşiruv olib borilayotganini maʼlum qildi.

Sanodagi şifoxonalardan biri direktori köplab qurbonlar, jumladan, qutqaruvçilar vayronalar ostida qolganini aytdi. «Qutqaruvçilar yetib kelgan zahoti yana zarba tuşadi», dedi u.

Husiylar nazoratidagi axborot agentligi, bundan bir kun avval, 6-noyabr kuni Taiz viloyatidagi gavjum bozorga berilgan zarbalarda kamida 30 kişi öldirilganini yozgandi. Tomonlar bu hujum uçun bir-birini ayblamoqda. Husiylar zarbani Saudiya berganini aytsa, hukumat nazoratidagi Taiz şahri rasmiylari hujumni husiylar uyuştirganini bildirdi.

NYT'ga köra, Yamanda qurbonlar sonini mustaqil tekşiriş qiyin. Husiylar jurnalistlardan zarba joylariga boriş uçun ruxsatnoma talab qiladi, Saudiya rasmiylari esa havo kampaniyasi haqida kam maʼlumot beradi. Har ikki tomon bir-birini tinç aholini nişonga olişda ayblab keladi.

“Ikkinçi front”

Yamandagi jriy yil boşlangan mojaro uzoq yillik tarixga ega. Eron qöllaydigan husiylar 2014-yilda Sanoni egallab, Saudiya qöllaydigan hukumatni poytaxtdan quvib çiqargandi. Şundan söng 2015-yilda Saudiya boşçiligidagi koalitsiya uruşga aralaşgan. Uruş zöravonlik, oçlik va kasalliklar orqali yuz minglab odamning ölimiga sabab bölgan, 2022-yilda BMT vositaçiligida tuzilgan sulh esa yirik hujumlarni deyarli töxtatgandi.

Mört sulh şu yil yozda barbod böldi. Husiylar Saudiyani Sano aeroportiga havo zarbasi berişda aybladi va iyul oyida qirollikka qarşi dengiz blokadasi eʼlon qildi. Keyinroq Saudiyadagi portlar, aeroportlar va neft obyektlariga raketa va dron hujumlarini ham kuçaytirdi.

Saudiya esa Yamandagi husiylar nişonlariga havo zarbalarini kuçaytirdi. BMT janglar ön yil avvalgi darajaga qaytayotganidan bir neça bor ogohlantirgan.

Saudiya va husiylar örtasidagi janglar AQŞ va Isroilning fevral oxirida boşlangan Eronga qarşi uruşining yana bir frontiga aylanib ketdi. Husiylar öz hujumlarini Saudiyaning Yamanga berayotgan havo zarbalari va blokadasiga javob deb körsatmoqda.

AQŞning asosiy ittifoqçisi bölgan Saudiya Arabistoni AQŞ, Yevropa va Yaqin Şarqdagi bir qator davlatlardan ham mudofaa, ham hujum uçun harbiy yordam söramoqda. Buyuk Britaniya oktabrda Saudiya şaharlarini husiylarning havo hujumlaridan himoya qiliş uçun qiruvçi samolyotlari bilan mudofaa parvozlarini amalga oşirişini maʼlum qilgandi.

Ar-Riyod diplomatik yölni ham sinamoqda. 26-oktabr kuni Makka pakti aʼzolari bölgan Saudiya, Turkiya va Pokistonning yuqori martabali vakillari Tehronda Eron rasmiylari bilan uçraşdi. Tehron keyinroq Ar-Riyod bilan xorijiy harbiy aralaşuvsiz yangi mintaqaviy xavfsizlik tizimi böyiça muzokaralar davom etayotganini maʼlum qildi.