Bishkekda TurkPA yig‘ilishi o‘tkaziladi. O‘zbekiston delegatsiyasi birinchi marta qatnashadi

Bishkekda 8 dekabr kuni turkiy tildagi davlatlar Parlament assambleyasining yettinchi yalpi yig‘ilishi bo‘lib o‘tadi. Bu haqda Jo‘qorg‘u Kenesh matbuot xizmati xabar bergan.

Tadbirda TurkPA a'zo davlatlari parlamentlari spikerlari, kuzatuvchi sifatida esa Vengriya parlamenti vitse-spikeri ishtirok etadi. TurkPA faoliyati tarixida birinchi marta O‘zbekiston parlamentining Oliy Majlis Qonunchilik palatasi raisi o‘rinbosari boshchiligidagi delegatsiyasi faxriy mehmon sifatida qatnashadi. Shuningdek, Turkmaniston parlament delegatsiyasi ham faxriy mehmon sifatida taklif etilgan.

Tadbir doirasida Jo‘qorg‘u Kenesh spikeri Dostonbek Jumabekovning Ozarboyjon, Qozog‘iston, Turkiya, Vengriya hamda O‘zbekiston parlament delegatsiyalari rahbarlari bilan ikki tomonlama uchrashuvlarini o‘tkazish rejalashtirilgan.

Bundan tashqari, yig‘ilish davomida TurkPAda raislik qilish Qozog‘istondan Qirg‘izistonga o‘tadi.