2018 yil 5 yanvar kuni O‘zbekiston Respublikasi tashqi ishlar vaziri Abdulaziz Komilov Qirg‘iziston Respublikasining favqulodda va muxtor elchisi Doniyor Sidiqov, Tojikiston Respublikasi - Sodiq Imomiy, Turkmaniston - Shiri Shiriyev, Qozog‘iston Respublikasining muvaqqat ishlar vakili Mursal-Nabi Tuyoqboyevni qabul qildi. Bu haqda O‘zbekiston TIV matbuot xizmati xabar tarqatdi.
Vazir Toshkent shahridagi diplomatik vakolatxonalar rahbarlarini O‘zbekistonning Markaziy Osiyo davlatlari o‘rtasida ko‘p qirrali hamkorlikni rivojlantirish bo‘yicha tashabbuslarni amalga oshirishga doir takliflari bilan tanishtirdi. Ular O‘zbekiston Respublikasi prezidenti Shavkat Mirziyoyev tomonidan 2017 yilning sentabrida Nyu-York shahrida bo‘lib o‘tgan BMT Bosh Assambleyasi sessiyasida va noyabr oyida Samarqandda bo‘lib o‘tgan xalqaro konferensiyada ilgari surilgandi.
Qayd etilishicha, tomonlar mintaqaviy kun tartibidagi boshqa masalalar yuzasidan ham fikr almashdilar.
