«Dunyo» axborot agentligi xabariga koʻra, tantanali marosimdan keyingi muloqotda Oʻzbekiston va Bruney oʻrtasidagi ikki tomonlama munosabatlarni kengaytirish istiqbollari koʻrib chiqilgan.
Tashrif doirasida elchi Bruney tashqi siyosat idorasi vakillari - shahzoda Abdul Matiyn va ikkinchi tashqi ishlar vaziri Erivan Yusof bilan ham uchrashgan.
Bruney tomoni Oʻzbekistonda amalga oshirilayotgan islohotlar va ularning natijalarini yuqori baholagan. Uchrashuvlar yakunida tomonlar savdo-iqtisodiy aloqalar, madaniyat, taʼlim va turizm yoʻnalishlarida hamkorlikni rivojlantirishga kelishib olgan.
Karomiddin Gadoyevning qarorgohi Malayziya poytaxti Kuala-Lumpurda joylashgan. U 2023-yil noyabrdan buyon Oʻzbekistonning Malayziyadagi elchisi sifatida faoliyat yuritmoqda.
Gadoyev Tashqi ishlar vazirligi tizimidagi faoliyatini 1995-yilda boshlagan. Vazirlikning markaziy apparati, Oʻzbekistonning NATOdagi missiyasi va Bryusseldagi elchixonasida turli lavozimlarda ishlagan. Elchilikka tayinlanishidan avval TIVning BMT va boshqa xalqaro siyosiy tashkilotlar bilan hamkorlik boshqarmasi boshligʻi oʻrinbosari boʻlgan.
