Qishloq xo‘jaligi sohasida qator imtiyozlar taqdim etiladi

2017–2021 yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasini «Faol tadbirkorlik, innovatsion g‘oyalar va texnologiyalarni qo‘llab-quvvatlash yili»da amalga oshirishga oid Davlat dasturi loyihasi e'lon qilindi.

Dasturning III bobi «Iqtisodiyotni rivojlantirish va liberallashtirishning ustuvor yo‘nalishlari» deb nomlangan. Uning Qishloq xo‘jaligini modernizatsiya qilish va jadal rivojlantirish bo‘limida amalga oshirilishi mo‘ljallanayotgan quyidagi chora-tadbirlar belgilab olinmoqda.

Yetakchi xorijiy ekspertlarni jalb etgan holda, O‘zbekistonda qishloq va suv xo‘jaligini rivojlantirish bo‘yicha Dastur ishlab chiqish.

Normativ-huquqiy hujjatlar loyihasi. Loyiha bilan Davlat dasturi tasdiqlanadi. Dasturda:

• yaqin va uzoq istiqbolda agrar sohadagi barcha tashkiliy-iqtisodiy, texnologik masalalarni hal qilish;
• investitsiyalarni jalb etish, tarmoqni yanada isloh qilish va barqaror rivojlantirish;
• qishloq xo‘jaligi ekinlari seleksiya-urug‘chiligi tizimini takomillashtirish,  innovatsiyalarni joriy etish;
• qishloq xo‘jaligi mahsulotlari eksporti hajmlarini oshirishning aniq yo‘nalishlari nazarda tutiladi.

Qishloq xo‘jaligi mahsulotlari ishlab chiqarishni yanada diversifikatsiyalash, qishloq xo‘jaligi ekinlari hosildorligini oshirish orqali mamlakat oziq-ovqat xavfsizligini ta'minlash.

Normativ-huquqiy hujjat loyihasi. Loyiha bilan chora-tadbirlar dasturi tasdiqlanadi. Dasturda:

• paxta va g‘alladan bo‘shagan maydonlarga sabzavot, poliz, ozuqa va moyli ekinlarni, shuningdek, tashqi bozorlarda talab yuqori bo‘lgan (mamlakatimiz sharoitiga moslasha oladigan va yuqori hosil beradigan chet eldan olib kelinadigan) boshqa ekin turlarini joylashtirish, intensiv bog‘ va tokzorlar tashkil etishning prognoz ko‘rsatkichlari;
• paxta maydonlarini 39 ming gektarga va g‘alla maydonlarini 10 ming gektarga qisqartirish, ushbu maydonlarda oziq-ovqat ekinlarini yetishtirish, intensiv bog‘ va tokzorlar barpo etish hisobiga qo‘shimcha 1 mln. tonna meva-sabzavot, kartoshka va boshqa mahsulotlar ishlab chiqarish nazarda tutiladi.

Aholini ekologik toza va xavfsiz oziq-ovqat mahsulotlari bilan ta'minlashning huquqiy asoslarini yaratish.

Normativ-huquqiy hujjatlar loyihasi. Loyihada qishloq xo‘jaligida genetik jihatdan modifikatsiya qilingan oziq-ovqat mahsulotlarini yetishtirmaslik hamda iste'mol bozoriga kirib kelishi ustidan qat'iy nazorat o‘rnatish tartibini joriy qilish nazarda tutiladi.

Paxta xom ashyosini yetishtirish, sotish va qayta ishlash tizimida bozor mexanizmlarini joriy etish, bunda, avvalo, xom ashyo yetishtiruvchilarning moddiy manfaatdorligini oshirishni ko‘zda tutish.

Normativ-huquqiy hujjat loyihasi. Loyihada:

• paxtachilik-to‘qimachilik klasterlari tashkil etiladigan tumanlar, ularni tashkil etuvchilar, klasterlar uchun ajratiladigan maydonlar, klasterlar uchun imtiyoz va preferensiyalar;
• fermerlar shirkat xo‘jaliklarini tashkil etishning institutsional va huquqiy asoslari, ular tomonidan qishloq xo‘jalik mahsulotlarini ishlab chiqarish va sotishda hamkorlik mexanizmlari;
• fermerlar tomonidan paxta xom ashyosini qayta ishlovchi va to‘qimachilik korxonalariga o‘z ixtiyoriga ko‘ra to‘g‘ridan-to‘g‘ri sotish imkoniyati nazarda tutiladi.

Meva-sabzavot mahsulotlarini yetishtirish, qabul qilish, saqlash, qayta ishlash va iste'molchilarga yetkazib berish, shu jumladan, eksport qilishda logistika tizimini yanada rivojlantirish.

Normativ-huquqiy hujjat loyihasi. Loyihada logistika markazlari tashkil qilish, issiqxona va muzlatkichli omborxonalar qurishning prognoz ko‘rsatkichlari hududlar kesimida belgilab beriladi.

Aholini chorvachilik mahsulotlari bilan ta'minlash darajasini oshirish, ularning bozorlardagi narx-navolari barqarorligini saqlashga erishish.

Normativ-huquqiy hujjat loyihasi. Loyihada ozuqa ekin maydonlari hajmi, konsentrat ozuqa ishlab chiqarish bo‘yicha tashkil etiladigan quvvatlar, zamonaviy parrandachilik va bo‘rdoqichilik komplekslarining prognoz ko‘rsatkichlari nazarda tutiladi.

Fermer xo‘jaliklarida yetishtirilgan mahsulotlarni realizatsiya qilishda zamonaviy axborot-kommunikatsiya texnologiyalarini joriy qilish, shuningdek, fermerlarni zaruriy axborot, ma'lumot va maslahatlar bilan ta'minlash tizimini takomillashtirish, fermer xo‘jaliklarida yetishtirilgan mahsulotlar hajmi va miqdori haqidagi ma'lumotlarning yagona bazasini yaratish.

Normativ-huquqiy hujjat loyihasi.  Loyiha bilan chora-tadbirlar dasturi tasdiqlanadi. Dasturda:

• fermer xo‘jaliklarida yetishtirilgan mahsulotlar hajmlari va turlari haqidagi ma'lumotlarning yagona bazasini yaratish;
• fermer xo‘jaliklarini axborot va maslahatlar bilan ta'minlash bo‘yicha mavjud milliy internet saytlar faoliyatini yanada jonlantirish;
• mahsulot tayyorlovchi, qayta ishlovchi korxonalar va eksport qiluvchilarga qishloq xo‘jalik mahsulotlarini, shu jumladan, birja savdolarida xarid qilish bo‘yicha zarur ma'lumotlar olish kabi masalalar nazarda tutiladi.

Qishloq xo‘jaligida suvdan foydalanish samaradorligini oshirish, suv tejovchi texnologiyalar joriy etilgan maydonlar hajmini yanada kengaytirish.

Normativ-huquqiy hujjat loyihasi. Loyiha bilan chora-tadbirlar dasturi tasdiqlanadi. Dasturda:

• hududlar kesimida suv tejovchi texnologiyalar (tomchilatib sug‘orish, plyonka to‘shab sug‘orish, egiluvchan quvurlar yordamida sug‘orish, suvni yig‘ish xususiyatga ega bo‘lgan gellardan foydalanish) joriy qilinadigan maydonlarning prognoz ko‘rsatkichlari tasdiqlash;
• suv tejovchi texnologiyalarni ishlab chiqarish uchun zarur bo‘ladigan resurslar bilan ta'minlash kabi tadbirlar nazarda tutiladi.

Sug‘oriladigan yerlarning meliorativ maydonlarining meliorativ holatini yaxshilash va suv resurslaridan oqilona foydalanishni ta'minlash.

Normativ-huquqiy hujjat loyihasi. Loyiha bilan chora-tadbirlar dasturi tasdiqlanadi.

• Barcha rejalashtirilgan tadbirlarning amalga oshirilishi natijasida 270 ming gektar ekin maydonlarining meliorativ holati barqarorligi ta'minlanadi hamda sizot suvlari sathining belgilangan me'yorda bo‘lishiga erishiladi.