2017 йил ноябрь-декабрь ойида Россия нефтининг Ўзбекистонга экспорти 68 минг тоннадан ошди
18:30 / 11.01.2018
6670
Фото: РИА "Новости"

2017 йилда Ўзбекистонга Россия нефти экспорти 68,2 минг тоннани ташкил этди. Бу ҳақда Россия ёқилғи-энергетика комплексининг Марказий диспертчерлик бошқармаси материалларида хабар берилган.

Хусусан, ноябрда Ўзбекистонга 30 минг тонна нефть, декабрда – 38,2 минг тонна етказиб берилган. Аввалроқ, «Транснефть» расмий вакили Игорь Демин компания 2017 йилнинг декабрида Ўзбекистон йўналишига 50 минг тонна Россия нефти қуйиб беришни режалаштиргани ҳақида хабар берганди.

Ўзбекистонга 500 минг тонна Россия нефтини етказиб бериш бўйича икки томонлама меморандум Ўзбекистон президенти Шавкат Мирзиёевнинг Москвага ташрифи давомида имзоланган.

«Транснефть» вице-президенти  Сергей Андронов Ўзбекистонга бу ҳажмдаги нефтни етказиб беришда «Роснефть», «Газпром нефть», «Лукойл» ва «Русснефть» иштирок этишини мумкинлигини айтганди.


Улашинг
Top