Анқара ва Вашингтоннинг ҳамкорлиги давом этишининг асосий шарти АҚШнинг суриялик курдларга қурол етказишини тўхтатиши ва уларга аввал етказилган қуролнинг қайтариб олиниши ҳисобланади. Бу ҳақда Туркия бош вазири ўринбосари Бакир Бўздаг маълум қилди.  

“Биз иттифоқдошларимизни (АҚШ) улар террорчиларга (Суриядаги курд қуролланган тузилмалари) қурол билан ёрдам бермасликлари кераклигидан бир неча марта огоҳлантирганмиз. Ҳамкорликни давом эттиришнинг асосий шарти қурол етказиб беришни тўхтатиш ва аввал етказилганини қайтариб олишдан иборат”, деб айтган Бўздаг журналистларга.