Timoshenko yana Poroshenkoga «tashlandi»

Ukrainada «Batkivshchina» fraksiyasi yetakchisi Yuliya Timoshenko mamlakat prezidenti Pyotr Poroshenkoni qonunchilikni buzishda aybladi. Bu davlat rahbari Timoshenkoning partiyasi vakilini Markaziy saylov komissiyasi (MSK) yangi tarkibiga kiritmagani tufayli yuz berdi, deb xabar qilmoqda «Ukrainskaya pravda».

«U (Poroshenko) MSK tarkibini taqdim etib, u yerga o‘zining ko‘plab odamlarini kiritdi. O‘zining partiyasidan 5 kishi, «Xalq fronti»dan ham taxminan shuncha. Boshqa barcha fraksiyalardan – bir kishidan. Faqatgina bitta parlamentdagi siyosiy partiya - «Batkivshchina»dan hech kim yo‘q. Prezident bironta nomzodni taqdim etmadi, bu Markaziy saylov komissiyasi to‘g‘risidagi qonun va demokratiya barcha asoslarining buzilishi», - deya ma'lum qildi Timoshenko.

Fraksiya yetakchisining so‘zlariga ko‘ra, bu Poroshenko Ukrainada bo‘lib o‘tishi rejalashtirilgan saylovlarni soxtalashtirish niyatida ekanini bildiradi. Shundan so‘ng Timoshenko undan MSK tarkibiga «Batkivshchina» partiyasidan nomzod kiritishni talab qilgan.