Meksika prezidentining qarindoshi bosqinchilar tomonidan otib ketildi

Meksika prezidenti amakisining o‘g‘li Mexiko shtatida o‘ldirildi. Bu haqda «RIA Novosti» Proceso portaliga asosan xabar qilmoqda.

Hodisa Meksika yetakchisining ona shahri Atlakomulkoda 4 fevral kuni kechqurun yuz bergan. Ta'kidlanishicha, Enrike Penya Netoning qarindoshi - Masimino Montel Penya – avtomobilini olib qochib ketmoqchi bo‘lgan bosqinchilarga qarshilik ko‘rsatish vaqtida otib o‘ldirilgan. Uning jasadi mashina yonidan topildi.

Ushbu holat bo‘yicha tergov olib borilmoqda. Davlat rahbari bu borada izoh bermagan.