Poroshenko Ukrainaning asosiy muammosini ma'lum qildi

Ukraina prezidenti Pyotr Poroshenkoning ma'lum qilishicha, mamlakatning asosiy muammosi hamon korrupsiya bo‘lib qolmoqda. Bu haqda siyosatchi Avstriyaning «Profil» jurnaliga bergan intervyusida ma'lum qildi.

«Korrupsiya har doim Ukrainaning asosiy muammosi bo‘lgan, hamda afsuski, shunday bo‘lib qolmoqda», - deya aytib o‘tgan Ukraina yetakchisi.

«RIA Novosti» xabariga ko‘ra, Poroshenko jurnalist bilan suhbat davomida Kiyevda korruptsion jinoyatlar bilan kurash bo‘yicha mustaqil sud tashkil etish lozimligiga e'tibor qaratgan. Siyosatchining xorijiy kredit beruvchilarga va'da qilishicha, sud 2018 yilda tashkil etiladi, hamda mamlakat hukumati G‘arb maxsus xizmatlari bilan mamlakatga oligarxlar, siyosatchilar va amaldorlar tomonidan noqonuniy ravishda olib chiqib ketilgan mablag‘larni qaytarish bo‘yicha hamkorlikni boshlaydi.