Video: Serxio Aguero «Uigan» muxlislari bilan janjallashib ketdi

«Manchester Siti» hujumchisi Serxio Aguero «Uigan»ga qarshi Angliya kubogi 1/8 finalidan o‘rin olgan uchrashuv (0:1) vaqtida mezbonlar muxlislaridan biri bilan janjallashib ketdi.

Hakam hushtagi yangrab, «Uigan» g‘alabasini tasdiqlagandan so‘ng, stadiondagi muxlislar jamoa bilan muvaffaqiyatni nishonlash uchun stadionga tushib ketishdi. Ulardan biri Agueroga turtilib ketdi va unga qarata tupurdi. Bundan jahli chiqqan «Manchester Siti» hujumchisi unga tashlanishga harakat qildi.

Voqea joyida bo‘lgan murabbiy va futbolchilar Agueroni to‘xtatib qolishga muvaffaq bo‘lishdi.