Xitoyda seriyali qotil va zo‘ravon o‘lim jazosiga hukm qilindi

Xitoyning Gansu provinsiyasidagi Bayin shahar okrugi sudi juma kuni seriyali qotil va zo‘ravon Gao Chen'yunni oliy jazoga hukm qildi. Bu u tomonidan sodir etilgan birinchi jinoyatdan qariyb 30 yil o‘tib ro‘y berdi.

Sud ayblanuvchini qasddan odam o‘ldirish, zo‘rlash, bosqinchilik va murdalarni tahqirlash bo‘yicha jinoyatlarni sodir etganlikda aybdor deb topdi. Gao Chen'yun 11 nafar ayolni o‘ldirish va nomusiga tegishda aybdor deb topildi. Sud uni barcha siyosiy huquqlardan mahrum etdi.

Gansu provinsiyasidagi Bayin shahrida 1988-2002 yillar oralig‘ida qotillik bilan ro‘y bergan 10ta zo‘rlash holati sodir bo‘ldi, qurbonlardan eng kichigi 8 yoshda bo‘lgan. 

Politsiya Gao Chen'yunni 2016 yilning 26 avgustida hibsga oldi – u tomonidan sodir etilgan birinchi jinoyatdan 28 yil o‘tib.