Si Tszinpin Xitoyning ochiqlik siyosati yangi choralarini e'lon qiladi

Boaodagi Osiyo iqtisodiy forumining asosiy qismi seshanba kuni Xitoyning Xaynan orolida boshlanadi, unda, kutilishicha, XXR raisi Si Tszinpin ochilish marosimidagi o‘z nutqida mamlakatning tashqi dunyoga ochiqligini kengaytirish bo‘yicha yangi choralar haqida e'lon qiladi. Bu Xitoy G‘arbda kuchayib borayotgan protektsionistik kayfiyatlar fonida iqtisodiy globallashuv jarayonlarini qat'iy qo‘llab-quvvatlashi isbotiga aylanadi.

Joriy yilda “Jahonning yanada farovonligi uchun ochiq va innovatsion Osiyo” shiori ostidagi forum rasmiy ravishda 8-11 aprelda bo‘lib o‘tmoqda, biroq Sin Tszinpin ishtirok etadigan tantanali ochilish marosimi seshanba kuni ertalab o‘tkaziladi.

"2018 yilda islohotlar va ochiqlik siyosatiga 40 yil to‘ladi. Rais Si Tszinpin Xitoyning islohotlar hamda ochiqlik siyosati erishgan muvaffaqiyatlar, uning amalga oshirilishi, jahondagi o‘rni haqida eng muhim fikrni bildiradi. Xitoy bu siyosatni qanday kengaytirishi haqida aytiladi. Barcha ochiqlik va islohotlar siyosatidagi qator yangi choralardan xabardor etiladi", - deya ma'lum qilgan XXR TIV rahbari Van I.

South China Morning Post gazetasining vaziyatdan boxabar manbalarga asosan xabar berishicha, Si Tszinpin forumning ochilish marosimida Xitoy bir nechta erkin savdo portlarini tashkil etish niyatida ekanini e'lon qiladi. Portlar ham faoliyat qoidalari va asosiy prinsiplarini ishlab chiqish, ham bozorga chiqish bo‘yicha hozirgi erkin savdo zonalaridan ancha ochiqroq bo‘ladi.

XXR tijorat vaziri sobiq o‘rinbosari Vey Tszyangoning so‘zlariga ko‘ra, Si Tszinpin Xitoyga AQSh savdo proteksionizmi bilan kurashda va ichki iqtisodiy rivojlanish maqsadlariga erishishda yordam ko‘rsatuvchi qator muhim choralarni e'lon qiladi.