Vazirlar Mahkamasining 6.04.2018 yildagi 276-son qarori bilan Markaz Innovatsion rivojlanish vazirligi huzurida tashkil etilmoqda.
Norma’ning yozishicha, muassasa asosan quyidagi ustuvor yo‘nalishlar bo‘yicha faoliyat yuritadi:
• xo‘jalik yurituvchi sub'yektlar, oliy ta'lim hamda ichki va tashqi bozorlarda innovatsion mahsulotlar ishlab chiqarish va sotishga yo‘naltirilgan ilmiy-tadqiqot muassasalarining o‘zaro hamkorligini kengaytirish orqali fan, ta'lim va iqtisodiyotning real sektori hamkorlik qiladigan kommunikatsion maydonchalar sifatidagi texnologik platformalarni yaratish;
• yangi bilimlarni generatsiya qilish va innovatsion intellektual muhitni shakllantirish;
• tijoratlashtirilishi ehtimoli katta bo‘lgan va keyinroq ro‘yobga chiqariladigan ishlanmalarni tijorat tusini olguniga qadar amalga oshirish;
• yosh olimlar va mutaxassislarni zamonaviy innovatsion tematikaga jalb etish;
• keng doiradagi tashkilotlar va korxonalarga maslahat xizmatlari ko‘rsatish va maslahat ko‘magi berish;
• boshlovchi tadbirkorlarni innovatsion loyihalarni amalga oshirish chog‘ida qo‘llab-quvvatlash;
• shu jumladan chet ellik mutaxassislarni taklif etgan holda qisqa muddatli va o‘rtacha muddatli ixtisoslashtirilgan kurslarni o‘tkazish yo‘li bilan kadrlar malakasini oshirish va qayta tayyorlashni tashkil etish.
Tashkil etilgan markaz Innovatsion rivojlanish vazirligi binosida joylashtiriladi, u Toshkent shahri, Olmazor tumani, Universitet ko‘chasi manzili bo‘yicha keyingi yilning 21 mart kuniga qadar qurib bitkaziladi.
Markaz yuridik va jismoniy shaxslarning rezident maqomini olishga buyurtmalarini qabul qiladi, rezidentlarni ro‘yxatdan o‘tkazadi va rezident maqomi berilganligi to‘g‘risida tegishli guvohnoma bergan holda ularni maxsus reyestrga kiritadi. Markaz rezidentlarga ekspert yordami va maslahat xizmatlari ko‘rsatadi, ular zimmalariga olgan majburiyatlarni bajarishlarini monitoring qiladi.
Markaz faoliyati Davlat byudjyeti mablag‘lari, rezidentlarga xizmatlar ko‘rsatishdan tushadigan daromadlar, muassisning mablag‘lari, xalqaro moliyaviy institutlar va nohukumat tashkilotlarining grantlari, shuningdek taqiqlanmagan boshqa manbalar hisobidan moliyalashtiriladi.
Hujjat 9.04.2018 yilda e'lon qilingan.
