AQSh Mudofaa vazirligi Lockheed Martin kompaniyasi bilan gipertovushli qanotli raketa prototipini ishlab chiqarish va yetkazib berish bo‘yicha shartnoma imzoladi. Bu haqda Defence News xabar bermoqda.
Ta'kidlanishicha, AQSh harbiy-havo kuchlari samolyotlari bunday turdagi raketalar bilan jihozlanishi rejalashtirilmoqda. Kutilishicha, Pentagon ularni ishlab chiqarishga 928 mln dollar ajratadi. Shartnoma muddatlari hozircha noma'lum bo‘lib turibdi.
Harbiy mahkama vakili Enn Stefanekning so‘zlariga ko‘ra, bunday turdagi raketalar ishlab chiqarish bo‘yicha loyiha gipertovushli qurolni yaratishga doir ikkita choradan bittasi, ikkinchi chora esa AQSh harbiy-havo kuchlari va Mudofaa vazirligining istiqbolli tadqiqot loyihalari boshqarmasi o‘rtasidagi qo‘shma loyiha. Uning natijalari 2023 yilga qadar ma'lum bo‘ladi.
