Xitoyning janubida joylashgan Guangsi-Juang avtonom tumanidagi Guylin okrugida joylashgan daryoda ikkita «ajdarsimon» qayiqlarning to‘qnashuvidan so‘ng 11 kishi halok bo‘lgani yana 6 nafar inson bedarak yo‘qolganini xabar bermoqda okrug hukumati.
Voqea shanba kuni mahalliy vaqt bilan 13:40 da (Toshkent vaqti bilan 18:40 da) Yoz bayramiga tayyorgarlik doirasidagi musobaqalarga tayyorgarlik ko‘rish chog‘ida ikki qayiq to‘qnashib, boshqaruvini yo‘qotganidan so‘ng sodir bo‘lgan. Odatda, bu bayramda ajdaho boshi va quyrug‘i shaklidagi qayiqlar suvdagi yorqin tomoshalarda ishtirok etadi.
To‘qnashuvdan so‘ng 57 kishi suvga g‘arq bo‘lgan, 40 kishini qutqarishga ulgurib qolishgan, ulardan ayrimlari qirg‘oqqacha o‘zlari suzib kelishgan.
Jabrlanganlardan besh nafari kasalxonaga yotqizilgan, ularga zarur tibbiy yordam ko‘rsatilgan. Aytilishicha, suzish mashg‘ulotlari tashkilotchilari bu haqida mahalliy huquq-tartibot organlarini ogohlantirmagan, tashkilotchilardan ikki nafari ushlangan.
