Tramp o‘z sog‘lig‘i haqidagi ma'lumotnomani shaxsan o‘zi aytib yozdirgani ma'lum qilindi 

AQSh prezidenti Donald Tramp 2016 yildagi saylovoldi kampaniyasi davomida sog‘lig‘i ajoyib holatda ekanligi haqidagi ma'lumotnomani shaxsan o‘zi aytib yozdirgan. Bu haqda Trampning o‘sha vaqtdagi shifokori Xarold Bornsteyn ma'lum qildi. 

“U bu ma'lumotnomani o‘zi aytib yozdirgan. Men uni yozmaganman. Men barchasini yo‘l-yo‘lakay o‘ylab topganman”, deb iqror bo‘lgan Bornsteyn CNN telekanaliga.

Trampning sog‘lig‘i haqidagi ikki varaqlik ma'lumotnoma haddan tashqari optimistikligi sababli o‘z vaqtida mazaxlarga sabab bo‘lgandi. Ma'lumotnoma Bornsteyn tomonidan imzolangan bo‘lgan. Unda Tramp “juda kuchli va bardoshli” ekani va “qachondir AQSh prezidenti etib saylanganlar ichida eng sog‘lomi” bo‘lishi aytilgan.

Bornsteyn Trampning tansoqchisi keyinroq uning ofisini tunab, undan Trampning sog‘lig‘i haqidagi hujjatlarni tortib olganini ham ma'lum qildi. Biroq AQSh prezidentining matbuot kotibi Sara Sanders 1 maydagi brifingda Oq uy bu hujjatlarni belgilangan tartibda olganini ma'lum qilgan.