Tramp Xitoyga muzokarachilar delegatsiyasi yetib borganini ma'lum qildi

Foto: Saul Loeb/Pool Photo via AP

AQSh prezidenti Donald Trampning xabar berishicha, Xitoyga savdo muzokaralari bo‘yicha Amerika delegatsiyasi tashrif buyurgan. Bu haqda u tvitterdagi sahifasida ma'lum qildi.

«Bizning ajoyib moliyaviy jamoamiz Xitoyda, u savdoda teng sharoitlar haqida kelishib olishga urinmoqda. Men prezident Si [Tszinpin] bilan uchrashuv yaqin kelajakda tashkillashtirilishini intiqlik bilan kutyapman. Bizda har doim yaxshi (ajoyib) munosabatlar bo‘ladi!» - deya yozgan Tramp.

Delegatsiyaga AQSh moliya vaziri Stiven Mnuchin rahbarlik qilmoqda.

Eslatib o‘tamiz, avvalroq Xitoy AQSh harakatlariga javob choralarini tayyorlab qo‘ygani xabar berilgandi.