Adliya vazirligi hafta davomida qabul qilingan qonun hujjatlari bo‘yicha brifing o‘tkazadi

O‘zbekiston Respublikasi Adliya vazirligi tomonidan 2018 yil 5 may kuni “Adliya axboroti” nomli brifing tashkil etiladi. Bunday brifing o‘z formatiga ko‘ra vazirlik tomonidan ilk bor o‘tkazilmoqda.

Brifingda hafta davomida qabul qilingan qonun hujjatlari haqida 
shu jumladan muhim hujjatlarning mazmuni, mohiyati va ahamiyati haqida ma'lumot beriladi. Xususan, davlat rahbarining “Qayta tiklanadigan energiya manbalari sohasida investitsiya loyihalarini amalga oshirishga oid qo‘shimcha chora-tadbirlar to‘g‘risida”gi qarori va boshqa hujjatlari, hukumatning “Respublikada zamonaviy sanoat usulida omuxta yem ishlab chiqarishni tashkil etish chora-tadbirlari to‘g‘risida”gi qarori va boshqa qarorlar haqida ma'lumotlar beriladi

Shuningdek, brifingdan so‘ng ma'lumotlarga ko‘ra Prezident tomonidan yangi imzolangan o‘ta muhim hujjat haqida press-konferensiya o‘tkazilishi rejalashtirilgan.

Brifing Toshkent shahri, Sh. Rashidov ko‘chasi, 16-uyda o‘tkaziladi.