Vashington Suriyadagi kimyoviy hujum haqida xabar bergan guruhni moliyalashtirishni to‘xtatdi

AQSh davlat departamenti Suriyada harakat qiluvchi “Oq kaskalilar” gumanitar tashkilotini moliyalashtirishni muzlatib qo‘ydi. Bu haqda CBS telekanali xabar bermoqda.  

Telekanal ma'lumotlariga ko‘ra, AQShning “Oq kaskalilar”ni moliyalashtirishdagi ulushi Suriya hukumatiga qarshi axborot urushi olib borishda ayblanadigan guruh byudjyetining uchdan bir qismiga yaqinni tashkil qiladi. Ta'kidlanishicha, tashkilotni qo‘llab-quvvatlash oxirgi haftalarda to‘xtatilgan va qayta ko‘rib chiqilmoqda.   

CBS’ning diplomatik hujjatlarga iqtibos keltirgan holda ma'lum qilishicha, davlat departamentining Yaqin Sharqdagi byurosi 15 aprelgacha Oq uydan “Oq kaskalilar”ni moliyalashtirishni davom ettirish bo‘yicha tasdiqlov olishi kerak edi, biroq natijada davlat departamenti “Oq kaskalilar”ni moliyalashtirishni to‘xtatishiga to‘g‘ri kelgan.

“Oq kaskalilar” maqsadlari siyosiy betaraf va jangovar harakatlarga daxlsiz qolgan holda Suriyadagi tinch aholini himoyalashdan iboratligini ta'kidlab keladi. Oxirgi vaqtda internetda oq kaskadagi odamlar vayronalar ostidan bolalarni qutqarayotgani tasvirlangan videoroliklar ko‘plab paydo bo‘lgan. Biroq shu bilan bir qatorda “Oq kaskalilar” “jabrlanuvchilar”ga grimlar qilib, ular nimalarni gapirishlarini uqtirayotgan sahnalashtirilgan videolar ham paydo bo‘lgan. Bundan tashqari, suriyalik jurnalistlar “oq kaskalilar” qurollangan va harbiy kiyimda bo‘lgan bir qator fotomateriallarni taqdim qilganlar.