MXA amerikaliklar telefon qo‘ng‘iroqlari kuzatuvini kuchaytirgan

AQSh Milliy xavfsizlik agentligi (MXA) 2017 yil davomida amerikaliklar telefon qo‘ng‘iroqlari va matnli xabarlarini avvalgi yilga qaraganda uch barobar ko‘proq kuzatdi. Bu haqda Reuters xabar bermoqda.

Qayd etilishicha, AQSh Milliy razvedkasi direktori Ofisi hisobotida shu haqda so‘z yuritilgan.

Agentlikning ta'kidlashicha, telefon qo‘ng‘iroqlarini kuzatib borishning keskin o‘sishi AQShda kuzatuv ko‘lamini qisqartirishga qaratilgan qonun qabul qilinganining ikkinchi yili qayd etildi.

MXA tomonidan yig‘ilgan ma'lumotlar o‘z ichiga raqamlar va qo‘ng‘iroqlar vaqti hamda matnli xabarlarni qamrab oladi. Aniqlik kiritilishicha, MXA suhbatlar tafsilotini qayd etib bormaydi.

Eslatib o‘tamiz, avvalroq AQSh senati general-leytenant Pol Nakasoneni Milliy xavfsizlik agentligi (MXA) direktori lavozimiga tasdiqlagandi.