Avtomashina olib berishni va'da qilib, 50 mln so‘m olgan firibgar ushlandi - IIV

Toshkent shahrining Yunusobod tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, IIBga tushgan hujjatlarga ko‘ra, 2017 yil 22 dekabr kuni Toshkent viloyati Yangiyo‘l tumanida yashovchi Sh.K. Bog‘ishamol ko‘chasida yashovchi D.N.ning uyida unga “Neksiya” rusumli avtomashinani avtosalondan olib berishni va'da qilib, 50 mln 820 ming so‘m pullarini aldov yo‘li bilan olib ketib, bergan va'dasini bajarmasdan pullarni o‘z ehtiyojlari yo‘lida ishlatib yuborganligi ko‘rsatilgan. 

Ko‘rilgan choralar natijasida Sh.K. ushlangan.