Moliya vazirligi 2018 yilda startaplarni qo‘llab-quvvatlash uchun 50 milliard so‘m ajratadi

2018 yilda startaplarni qo‘llab-quvvatlash uchun Moliya vazirligi 50 milliard so‘m ajratadi. Bu prezidentning «Iqtisodiyot tarmoqlari va sohalariga innovatsiyalarni joriy etish mexanizmlarini takomillashtirish bo‘yicha qo‘shimcha chora-tadbirlar to‘g‘risida»gi qarorida belgilab qo‘yilgan.

Mablag‘lar Innovatsion rivojlanish va yangi g‘oyalarni qo‘llab-quvvatlash jamg‘armasiga byudjyet mablag‘laridan innovatsion, ilmiy-tadqiqot, tajriba-konstruktorlik, startap-loyihalarning o‘zini qoplashi asosida moliyalashtirish uchun ajratiladi.

Mablag‘ o‘zlashtirish natijalari bo‘yicha asoslangan takliflari asosida Innovatsiyalar vazirligiga Fond mablag‘larining qo‘shimcha manbalari bo‘yicha takliflar kiritiladi. Aynan shu idoraga InnoWeek.uz Innovatsion g‘oyalar haftaligini tashkil etish vazifasi topshirildi.

Mamlakatda innovatsiyalarni rivojlantirishga hissa qo‘shgan deb topilgan kompaniyalar moliyaviy jihatdan rag‘batlantiriladi. To‘liq summa hali noma'lum.