Ўзбекистон Инновацион ривожланиш вазирининг биринчи ўринбосари Бахтиёр Умаровнинг Kun.uz'га хабар қилишича, Ўзбекистон делегациясининг ушбу компаниянинг Шэнчжэн шаҳри (Хитой)даги штаб квартирасига ташрифи доирасида имзоланган меморандум келгусида «Huawei» компанияси билан ҳамкорлик муносабатларини яхшилашга ёрдам беради. 

Бахтиёр Умаров «Huawei» иштирок этган «ақлли шаҳар» дастури олдида ​​​
Фото: Ўзбекистон Инновацион ривожланиш вазирлиги

 «Айни пайтда компания Ўзбекистонда амалга оширилиши кутилаётган «ақлли шаҳар» лойиҳасида иштирок этиш истагини билдирди. Қолаверса, Хитойда жорий этилган «ақлли шаҳар» дастурида ҳам «Huawei» компаниясининг иштироки мавжуд, улар бизни мазкур тизим билан яқиндан таништириб ўтди. Истиқболда Ўзбекистондаги «ақлли шаҳар» лойиҳасида нафақат хитойликлар, балки Жанубий Корея, Исроил ва Германия вакиллари ҳам иштирок этишлари мумкин», дейди вазирнинг биринчи ўринбосари. 

Шунингдек, Ўзбекистон Инновацион ривожланиш вазирлиги, хусусан, «Huawei» компанияси кўмагида Ўзбекистоннинг ҳар бир ҳудудида юқори технологик марказ ва лабораториялар очишни режалаштирмоқда. ​