Toʻliq ochilgan holatda Mate XT2 oʻlchami jihatidan planshetga yaqinlashadi - uning diagonali 10,2 dyuymni (25 sm dan ortiq) tashkil etadi. Shuningdek, kompaniya yangi smartfonda oʻzining ilgʻor Kirin 9050 Pro chipidan foydalanilganini qayd etdi.
Mate XT2 narxi 20 ming yuandan (deyarli 3 ming dollar) boshlanadi, eng qimmat versiyasining bahosi esa 25 ming yuanga (3,73 ming dollar) yetadi. Smartfon sotuvi 12-sentabrdan boshlanadi.
Shu paytgacha uch buklanadigan smartfonni faqat Janubiy Koreyaning Samsung kompaniyasi ishlab chiqargan edi. Kompaniya uni 2025-yil dekabrida taqdim etgan, biroq koʻp oʻtmay sotuvlarni toʻxtatgandi. Ayni paytda Samsung buklanadigan smartfonlar bozorida yetakchilik qilmoqda. Counterpoint tadqiqot kompaniyasining hisob-kitoblariga koʻra, 2025-yilda uning bozor ulushi 40 foizni, ikkinchi oʻrindagi Huawei’niki esa 30 foizni tashkil qilgan.
Soʻnggi paytlarda premium toifadagi buklama telefonlarga talab ortib bormoqda. Omdia kompaniyasi prognoziga koʻra, 2028-yilga borib ularning sotuvi 2025-yilga nisbatan ikki baravarga oshadi va 36 million donaga yetadi.
7-sentabr kuni Xitoyning yana bir kompaniyasi - Xiaomi ham oʻzining yangi flagman buklama smartfonini taqdim etishi kutilmoqda. Shuningdek, 9-sentabr kuni boʻlib oʻtadigan taqdimotda Apple ham oʻzining buklama smartfonini namoyish etishi taxmin qilinmoqda.
