"Muz yurak", "O‘yinchoqlar tarixi", "Jonivorlar shahri" "Nemoni izlab", "Minionlar" kabi mashhur multfilmlarni ko‘rmagan odam kam bo‘lsa kerak. Ular nafaqat yosh bolalar, balki kattalarning ham sevimli multfilmiga aylanib ulgurgan.
Sevimli multfilmlarimiz ular suratga olingan mamlakat iqtisodiyotiga milliardlab daromad keltirishidan xabaringiz bormi? Keling, shu o‘rinda raqamlarga murojaat qilamiz.
"Muz yurak" multfilmi 2013 yilda Walt Disney Animation Studios tomonidan ishlab chiqarilgan bo‘lib, unga 150 million dollar sarmoya kiritilgan hamda 1 milliard dollardan ortiq foyda olingan.
"Minionlar" multfilmi 2015 yilda Illumination Entertainment tomonidan suratga olingan bo‘lib, uning ishlanishiga 74 million sarflangan hamda 1 milliard dollardan ziyod daromad olingan.
"Jonivorlar shahri» 2016 yilda Walt Disney tomonidan suratga olingan. 150 million dollar mablag‘ sarflangan va u ham 1 milliard dollardan ortiq daromad olgan.
"Nemoni izlab" multfilmi 2003 yilda Pixar tomonidan suratga olingan. Unga 94 million dollar mablag‘ sarflangan hamda 940 million dollardan ziyod daromad ko‘rilgan.
"Muzlik Davri 3" 2009 yilda Blue Sky Studios tomonidan suratga olingan, uning ishlanishiga 90 million dollar mablag‘ sarflangan, daromadi esa 886 million dollardan oshgan.
Mana shu raqamlarning o‘ziyoq animatsion filmlar sohasining naqadar serdaromad soha ekanligini isbotlaydi.
