KXDR yaqin kunlar ichida AQShga harbiylar jasad qoldiqlarini qaytarishi mumkin

Shimoliy Koreya yaqin bir necha kun dvomida 1950-1953 yillardagi Koreya urushi vaqtida halok bo‘lgan yoki bedarak yo‘qolgan AQSh harbiylarining jasad qoldiqlarini topshirish jarayonini boshlashi mumkin. Bu haqda Reuters Qo‘shma shtatlardagi rasmiy manbalarga asosan xabar qilmoqda.

«KXDR kelayotgan bir necha kun ichida Koreya urushi davrida bedarak yo‘qolgan harbiy xizmatchilar jasad qoldiqlarini topshirish jarayonini boshlashi mumkin. Ular orasida amerikaliklar ham bor», - degan manba.

Ta'kidlanishicha, Shimoliy Koreya jasad qoldiqlarini BMTning Janubiy Koreyadagi qo‘mondonligiga topshiradi, shundan so‘ng ular Gavayidagi harbiy-havo kuchlarining Xikem bazasiga olib ketiladi.

Rejalarga ko‘ra, Pxenyan «ancha ko‘p jasad qoldiqlarini» topshiradi, biroq bu boradagi aniq raqamlar oshkor etilmayapti.

Eslatib o‘tamiz, avvalroq Kim Chen In Putinga nima haqida yozgani ma'lum bo‘lgandi.