Illyustrativ foto
26 iyun Toshkent viloyatining Piskent tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.
Qayd etilishicha, shu tumanda yashovchi, tuman “Toza hudud” unitar korxonasi ishchisi muqaddam sudlangan A.R. va Cho‘lpon ko‘chasida yashovchi shu korxona ishchisi muqaddam sudlangan S.I. mast holda ish joylariga kelib, shu korxona qorovuli O‘.X.ni kuch ishlatish yo‘li bilan qo‘rqitib, shu korxona ish boshqaruvchisi B.M.ga tegishli temir seyf qulfini buzib ochib, ichidan 2 mln. 750 ming so‘m pulini olib voqea joyidan yashiringanlar.
Ko‘rilgan choralar natijasida A.R. va S.I. ushlangan.
