Putin Suriyadan so‘nggi kunlar ichida nechta samolyot va vertolyot olib chiqib ketilganini aytdi

Rossiya prezidenti Vladimir Putinning Kremlda harbiy oliy ta'lim muassasalari bitiruvchilari bilan uchrashuvda ma'lum qilishicha, Suriyadan so‘nggi kunlar ichida 13ta samolyot, 14ta vertolyot, shuningdek, shaxsiy tarkibdagi 1140 kishi olib chiqib ketildi.

«So‘nggi bir necha kun davomida 13ta samolyot, 14ta vertolyot, shaxsiy tarkibdagi 1140 kishi olib chiqib ketildi. Bu harbiylarning bari tajribaga ega va jangovar harakatlar sinovidan o‘tgan», - deya Rossiya yetakchisining so‘zlarini keltiradi RIA Novosti.

Shuningdek, Putinning ta'kidlashicha, harbiy oliy ta'lim muassasalari bitiruvchilari Rossiya hududida shaxsiy tarkib jangovar tayyorgarligi, shuningdek, eng murakkab nostandart vazifalar ustida ishlash uchun bu tajribadan to‘la foydalanishi darkor.