00:53 / 04.07.2018
3974
Малайзиянинг собиқ бош вазири коррупция иши бўйича қўлга олинди 

Малайзиянинг собиқ бош вазири Нажиб Раззоқ коррупцияга алоқадорлик айблови билан қўлга олинди. 

Маълум қилинишича, Раззоқ ўзининг уйида коррупцияга қарши курашиш бошқармаси ходимлари томонидан қўлга олинган. 

Мамлакатнинг амалдаги бош вазири Мататхир Муҳаммад собиқ бош вазир суд олдида жавоб бериши мумкинлигини айтган.

Раззоқ вилоятларни ривожлантириш давлат жамғармаси 1MDB’даги фирибгарликлар иши бўйича ўтмоқда.

Терговнинг аниқлашича, 1MDB билан боғлиқ компания ва банклар Раззоқнинг шахсий ҳисоб рақамларига 681 млн доллар ўтказиб берган.

Шу билан боғлиқ ҳолда мамлакатнинг турли туманларида собиқ бош вазирни жазолаш талаби билан намойишлар ўтган.

Top