Fransiyada JCh-2018 finali va Bastiliya olinishi kuniga xavfsizlik choralari kuchaytirildi 

Fransiyada dam olish kunlariga 14 iyulda mamlakatda nishonlanadigan milliy bayram – Bastiliya olinishi kuni va 15 iyulda o‘tadigan JCh-2018 finali munosabati bilan xavfsizlik choralari kuchaytirildi. Jahon chempionati finalida Fransiya terma jamoasi Xorvatiya bilan uchrashadi.

Politsiya ta'kidlanishicha, Parij va Fransiyaning boshqa shaharlaridagi bayram tadbirlari “mavjud terrorchilik xavfi” hisobga olingan holda xavfsizlik choralari kuchaytirilgan holda o‘tadi. Fransiya bo‘ylab shu kunlari 110 mingga yaqin politsiyachi navbatchilikda bo‘ladi.  

“Frantsuzlar terrorchilik xavfi yuqori darajada qolayotganiga qaramay, bu onlarni osoyishta nishonlashlari uchun barcha choralar ko‘riladi”, deb aytilgan xabarda.

Parijda shanba va yakshanba kuniga Eyfel minorasi tashrif uchun yopiladi. Undan shanba kuni an'anaviy ravishda Bastiliyaning olinishi kuni sharafiga mushaklar otiladi.

Yelisey maydonida an'anaviy parad bo‘lib o‘tadi. Unda harbiylardan tashqari, kursantlar, politsiyachilar va qutqaruvchilar ishtirok etadi. 

Yakshanba kuni esa fransuzlarni yana bir muhim voqea – JCh-2018 finali kutmoqda. Finalda Fransiya Xorvatiya bilan bellashadi.

Shu munosabat bilan Fransiya prezidenti Emmanuel Makron rafiqasi Brijit Makron bilan milliy terma jamoani qo‘llab-quvvatlagani Moskvaga kelishi kutilmoqda.