Braziliyada 10 dan ko‘proq mashinaning to‘qnashuvi oqibatida 8 kishi halok bo‘ldi

Braziliyada 16 iyulda 11 ta avtomobilning to‘qnashib ketishi oqibatida kamida 8 kishi halok bo‘ldi, 64 kishi jarohat oldi.

Folha de Sao Paulo portali ma'lumotlariga ko‘ra, yo‘l-transport hodisasi Minas-Jyerays shtatida yuz bergan. 5 ta yengil, 5 ta yuk mashinasi va bitta avtobus o‘zaro to‘qnashib ketgan. Voqea joyida yong‘in chiqqan. Oqibatda 4 kishi tiriklayin yonib ketgan. Yo‘lning ikki yo‘nalishi bo‘yicha harakat to‘xtatib qo‘yilgan.