«Barselona» Londonning «Chelsi» klubidan Eden Azarni sotib olish ustida ishlamoqda. OAVdagi xabarlarga qaraganda, 27 yoshli belgiyalik «ko‘k-anorranglilar» uchun eng asosiy transfer nishoniga aylangan.
Onda Cero xabarida aytilishicha, Kataloniya klubi Azarning transfer narxiga qo‘shimcha qilib Usmon Dembeleni ham «Chelsi»ga qo‘yib yuborishga tayyorligini bildirgan. Ingliz tomoni bunday taklifni ko‘rib chiqishga tayyor, biroq futbolchi bilan birga 150 million yevro to‘lanishini istamoqda.
«Barselona»ning ushbu transferdagi eng asosiy raqibi hamon «Real» bo‘lib turibdi. Matbuotdagi gap-so‘zlarga qaraganda, «qaymoqranglilar» belgiyalikning o‘zi bilan dastlabki kelishuvga erishib qo‘ygan, biroq endi «Chelsi»ni narx masalasida ko‘ndirish muammo bo‘lib turibdi. London klubi Azarni 200 million yevrodan ham balandga baholamoqda.
