Tojikistonda rekord vaznli chaqaloq tug‘ildi

Tojikiston janubidagi Ko‘lob shahrida rekord - sakkiz kilogramm vaznli chaqaloq dunyoga keldi, deya xabar beradi «Mir24» telekanali.

Tug‘uruqxona shifokori Anzirat Izzatulloyevaning so‘zlariga ko‘ra, bolaga avval kislorod niqobini taqishgan, hozirda u o‘zi nafas olmoqda.

Chaqaloq dunyoga kelganida sakkiz kilogramm vaznda bo‘lgan, to‘rt soatdan keyin u 800 grammni yo‘qotdi.

Tug‘uruq ona uchun ham, bola uchun ham qiyin kechgan, hozir ular o‘zlarini ancha yaxshi his qilmoqda.

Bola oiladagi beshinchi farzand, qolgan bolalar tug‘ilgan vaqtida 3,5 dan 4,5 kilogramm vaznga ega bo‘lgan. Ammo chaqaloq semizlikdan aziyat chekmasligi, shunchaki yirik ekani aytiladi.

Ko‘lob shahar ma'muriyati oilani qo‘llab-quvvatlashga va'da berdi — bolaga doimo bepul tibbiy yordam ko‘rsatiladi, shuningdek, tug‘uruqxonadan chiqarilganidan keyin ijtimoiy imtiyozlar taqdim etiladi.

Qayd etilishicha, bu holat - Tojikiston tarixida birinchisi.