Meksikada keyingi 18 yil ichida 140 nafarga yaqin jurnalist o‘ldirildi

Meksikada 2000 yildan buyon 138 nafar jurnalist o‘ldirilgan, deb xabar berdi mamlakatning inson huquqlari bo‘yicha milliy komissiyasi.

Komissiyaning ma'lumot berishicha, 2005 yildan beri yana 21 nafar OAV xodimi bedarak yo‘qolgan. 

Avvalroq statistika va geografiya milliy instituti mamlakatda 2017 yilda qotilliklar soni qariyb 31,2 mingtani tashkil etganini xabar qilgandi.

Keyingi yillarda Meksikada AQShga kokain tranzit qilishni o‘z nazoratiga olishni istagan narkokartellar o‘rtasidagi kurash natijasida zo‘ravonliklar to‘lqini yuzaga keldi. Yil boshidan buyon Meksikada 16 mingga yaqin kishi o‘ldirilgan bo‘lib, bu o‘tgan yilning birinchi yarmidagiga nisbatan 18%ga ko‘pdir.