Hokimliklar aholini suv bilan ta'minlashda qanday aniq tadbirlarni amalga oshirishga majbur?

Qonunchilikka muvofiq hokimliklar aholini suv bilan ta'minlash bo‘yicha aniq tadbirlarni amalga oshirishi lozim, deb yozmoqda “Huquqiy axborot” kanali.

Xususan, hokimliklar aholini markazlashtirilgan kommunal suv tarmog‘i (vodoprovod) orqali suv bilan ta'minlash imkoniyati bo‘lmagan holatlarda quyidagilarni amalga oshirishga majbur:

ichimlik suvni lokal suv ta'minoti tizimlaridan maxsus avtotransport bilan yetkazib berish tartibini, aniq muddatlarini, miqdorini, punktlarini belgilash (tasdiqlash);

har bir punktga maxsus avtotransport yordamida ichimlik suvni yetkazib beruvchi mas'ul tashkilotni belgilash;

lokal suv ta'minoti tizimlaridan va avtotransport vositasida yetkazib berilgan ichimlik suv uchun narxlarni belgilash.