Sport | 10:10 / 26.08.2018
4728
1 daqiqa o‘qiladi

Osiyo o‘yinlari. Sadriddin Saymatov yarim finalda yutqazdi, u endi bronza uchun kurashadi

O‘zbekiston karate jamoasining -60 kg vazn toifasidagi vakili Sadriddin Saymatov Osiyo o‘yinlari yarim finalida yutqazdi.

21 yoshli Saymatov nimchorak finalda qozog‘istonlik Darxon Assadilov ustidan 8:0 hisobida g‘alaba qozongandi.

U chorak finalda saudiya arabistonilik Sulton Jamal Alzahroniyni 3:1 hisobida mag‘lub etdi va yarim finalga yo‘l oldi.

Ammo u yarim finalda eronlik 28 yoshli Amir Mahdizodaga 6:7 hisobida yutqazib qo‘ydi. 

Saytmatov endi bronza medali uchun vetnamlik Nguen van Haiga qarshi tatamiga chiqadi.

Bugungi bahslarda o‘zbekistonlik yana ikki karatechi ishtirok etadi. Dastlab -61 kg vazn toifasida Barno Mirzayeva qirg‘izistonlik Kimbat Toytonovaga qarshi tatamiga chiqsa, -67 kg vazn toifasida Iqboljon Uzoqov saudiya arabistonilik Fahad Alxatami bilan kuch sinashadi.

Mavzuga oid