Pyotr Poroshenko va Salmon bin Abdulaziz Ol Saud Shavkat Mirziyoyevni tabrikladi

Mamlakat mustaqilligining 27 yilligi munosabati bilan O‘zbekiston Respublikasi prezidenti Shavkat Mirziyoyev nomiga xorijiy davlatlar va hukumatlar rahbarlaridan samimiy qutlovlar kelishi davom etmoqda. 

Prezident matbuot xizmati xabariga ko‘ra, ularda davlat rahbariga salomatlik va muvaffaqiyatlar, O‘zbekiston xalqiga tinchlik-osoyishtalik va farovonlik tilab, ezgu istaklar izhor etilgan.

Jumladan, quyidagilar o‘z tabriklarini yo‘llagan:

Bolgariya Respublikasi prezidenti Rumen Radev
Polsha Respublikasi prezidenti Anjyey Duda
Portugaliya Respublikasi prezidenti Marselo Rebelo de Souza
Chexiya Respublikasi prezidenti Milosh Zeman
Ukraina prezidenti Pyotr Poroshenko
Saudiya Arabistoni podshohi Salmon bin Abdulaziz Ol Saud
Saudiya Arabistoni Podshohligi valiahdi, Vazirlar Mahkamasi raisining o‘rinbosari, mudofaa vaziri Muhammad bin Salmon bin Abdulaziz Ol Saud
Laos Xalq-Demokratik Respublikasi prezidenti Bunnyang Vorachit
Birlashgan Arab Amirliklari vitse-prezidenti, bosh vaziri, Dubay Amirligi hokimi Shayx Muhammad bin Roshid Ol Maktum.

Eslatib o‘tamiz, avvalroq Imomali Rahmon va Rajab Toyyib Erdo‘g‘an Shavkat Mirziyoyevni tabriklagandi.