Makgregorning do‘sti chechenistonlik jangchi bilan bahsda yo‘q bo‘lib ketishi taxmin qilindi

Aralash yo‘nalish (MMA) bo‘yicha rossiyalik jangchi Habib Nurmagomedovning otasi Abdumannop Nurmagomedova Artyom Lobov va Zubayr Tuxugov jangi bo‘yicha o‘z taxminini bildirdi. Uning so‘zlari Tofight.ru tomonidan keltirilgan.

«Ochig‘i, men bu jangni unchalik ham kutayotganim yo‘q. Bilamanki, Zubayr Artyomdan ko‘ra kuchliroq, shuning uchun menga bu jang juda qiziq emas. Tuxugov Lobovni yo‘q qilib tashlaydi. Mening fikrimcha, u jangni 1- yoki 2-raundda tugatadi», - deydi katta Nurmagomedov.

Lobov va Tuxugov jangi 28 oktabrda rejalashtirilgan UFC Fight Night 138 musobaqasi doirasida bo‘lib o‘tadi. Lobov 13ta g‘alaba, 14ta mag‘lubiyat va 1 durangga ega. Grozniyda tug‘ilgan Tuxugov professional faoliyatida 22ta jang o‘tkazib, ularning 18tasida g‘alaba qozongan va 4tasida mag‘lub bo‘lgan.

Lobov MMA'ning irlandiyalik jangchisi Konor Makgregorning sparring-sherigi sanaladi. Aprel oyida kichik Nurmagomedov Lobov bilan mojaroga bordi. Bir necha kun o‘tganidan keyin Makgregor rossiyalikni izlab Nyu-Yorkka keldi, UFC jangchilari bo‘lgan avtobusga hujum qildi va politsiyaga tushib qoldi. Irlandiyalik 6 oktabr kuni Las-Vegasda Nurmagomedov bilan jang qiladi.

Eslatib o‘tamiz, avvalroq Nurmagomedov Makgregordan hayiqayotgan murabbiyiga murojaat bilan chiqqandi.