Peterburgdagi namoyishlar vaqtida Navalniy tarafdorlaridan 80 nafari qo‘lga olindi

Rossiyada pensiya yoshi ko‘tarilishiga qarshi boshlangan namoyishlar davomida Sankt-Peterburg shahrida politsiya tomonidan 80 kishi qo‘lga olingan.

«Bumagi» nashri xabariga ko‘ra, Sankt-Peterburgda jami 2 ming kishi ko‘chalarga chiqqan. Qo‘lga olinganlar orasida yosh bolalar va keksa kishilar ham bor.

Bugun mamlakatda saylovlar barobarida muxolif siyosatchi Aleksey Navalniy tarafdorlari tomonidan norozilik aksiyalari o‘tkazilmoqda. Norozilik aksiyalari Kaliningraddan Vladivostokkacha bo‘lgan hududni qamrab olgan va ko‘plab shaharlarda namoyishga chiqqan faollar qo‘lga olinmoqda.

«OVD-Info» ma'lumotiga ko‘ra, butun Rossiya bo‘ylab qo‘lga olinganlar soni 153 nafarni tashkil etmoqda.