Namangandagi maktabda Xotin-qizlar qo‘mitasi yig‘ilishi o‘tkazildi

Namangan shahridagi 48-umumiy o‘rta ta'lim maktabida Xotin-qizlar qo‘mitasining Namangan shahar boshlang‘ich tashkiloti tomonidan yig‘ilish o‘tkazildi.

Yig‘ilishda Namangan shahrining xotin-qizlar bo‘yicha o‘rinbosari N. Abdullayeva hamda Namangan shahar xalq ta'limi bo‘limi mudiri D.Hoshimova ishtirok etdi.

Yig‘ilishda Xotin-qizlar qo‘mitasining boshlang‘ich tashkiloti raisi Xanifa Abdurahimova 5 yillik hisobotini topshirdi.

Shaharning eng yirik maktablaridan sanaladigan ushbu 48-umumiy o‘rta ta'lim maktabida yangi o‘quv yili mavsumidan oldin keng ko‘lamli rekonstruksiya ishlari amalga oshirilib, o‘quvchilar uchun sharoitlar yaxshilandi.