Lavrov AQSh xalqaro ishlarda «musiqaga» monopoliyani yo‘qotganini ma'lum qildi

Rossiya tashqi ishlar vaziri Sergey Lavrov Sharqiy iqtisodiy forum-2018 doirasida yosh diplomatlar muloqotida chiqish qilib aytishicha, AQShning xalqaro ishlarda «musiqaga buyurtma berish» monopoliyasi yo‘qoldi. Bu holat bir necha asrlar mobaynida davom etgan, deb xabar qilmoqda RIA «Novosti».

«Obektiv tarzda bir necha asr davomida xalqaro ishlarda musiqaga buyurtma bergan va jiddiy qarama-qarshilikka uchramagan hamda hozirda bu monopoliyasi obektiv ravishda yo‘qolib borayotgan davlatni tushunish mumkin. Sababi endi qator yirik mamlakatlar bilan hisoblashmaslikning o‘zi imkonsizdir», - deya aytib o‘tdi Lavrov.

Shuningdek, vazirning aytishicha, bugungi kunda shakllanayotgan jahon tartibi AQSh rahbariyati o‘z xohishiga ko‘ra harakat qilgan va jiddiy qarshilikka uchramagan paytdan katta farq qiladi.

Eslatib o‘tamiz, avvalroq Lavrov «zaharlangan» Rossiya-AQSh munosabatlari haqida gapirgandi.