Bugun, 11 sentabr kuni O‘zbekiston milliy terma jamoasi Toshkentda Eronga qarshi navbatdagi o‘rtoqlik uchrashuvi o‘tkazdi. O‘yin eronliklar hujumchisi Mahdiy Turobiyning 67-daqiqada urgan goli evaziga mehmonlarning 1:0 hisobidagi g‘alabasi bilan yakunlandi.
Shu tariqa, Ektor Kuper qo‘li ostidagi jamoa o‘z antirekordini yangiladi. O‘zbekiston terma jamoasi qatorasiga o‘ninchi o‘yinda g‘alaba qozona olmadi. Oxirgi marta 2017 yilning yozida Tailandni yenggan jamoa, shundan keyin 3 marta durang o‘ynab, 7 marta yutqazgan.
«Tribuna» fotomuxbirlari o‘yinning asosiy lahzalarini aks etgan fotoreportajni taqdim etadi.
