Davlat xususiy maktablar uchun yer uchastkalari va bo‘sh turgan binolarni ajratadi

Xalq ta'limi sohasiga tatbiq etiladigan davlat-xususiy sherikchilik (DXSh) shakllari belgilandi. Bu haqda Norma yozmoqda.

Hukumat xalq ta'limi sohasiga DXShning boshqa shakllarini ham tatbiq etishi mumkin.  Xalq ta'limi vazirligi tomonidan o‘tkaziladigan tanlov natijalari bo‘yicha bitim tuziladi.  Jadvalda ko‘rsatilgan so‘nggi shakl holatida tanlov o‘tkazilmaydi. Bitimda bir tomondan davlat nomidan XTV ishtirok etadi. U xususiy sherik tomonidan bitim shartlari bajarilishi yuzasidan monitoring olib boradi.

Tatbiq etilayotgan mexanizmlar doirasida quyidagilar taqiqlanadi:

• umumta'lim maktablari va maktabdan tashqari ta'lim muassasalarining yer uchastkalari va ko‘chmas mulkini xalq ta'limi vaziri bilan kelishmasdan boshqa shaxslar ixtiyoriga o‘tkazish;

• tadbirkorlik sub'yektlariga berilgan obektlarda faoliyat yuritayotgan nodavlat umumta'lim tashkilotlari faoliyatini DXSh to‘g‘risidagi bitimning amal qilish muddati davomida qayta ixtisoslashtirish.